Ağdərənin Kolatağ kəndində məcburi köçkünlərlə görüşdük – Xuraman xanım Bərdə xatirələrini bölüşdü

Ağdərə rayonunun Kolatağ kəndində məskunlaşan keçmiş məcburi köçkünlərlə görüşərək onların yeni yaşayış şəraiti ilə tanış olduq. Səfər çərçivəsində kənd sakinlərinin gündəlik həyatı, onlara yaradılan imkanlar və doğma yurdlarına qayıdışdan sonra yaşadıqları hisslər barədə məlumat aldıq.

Vətən.az xəbər verir ki, bu dəfə Kolatağ kəndində yaşayan Xuraman xanımın qonağı olduq. Onun yaşadığı evdə yaradılan şəraitlə tanış olduq, məcburi köçkünlük illərində keçdiyi həyat yolunu və Bərdədə yaşadığı dövrlə bağlı xatirələrini dinlədik.

Xuraman xanım məcburi köçkünlük dövrünü Bərdə şəhərində yaşadığını bildirərək həmin illərlə bağlı xatirələrini bizimlə bölüşdü. O, Bərdədə keçirdiyi illərdən, yerli sakinlərin onlara münasibətindən və həmin dövrdə yaşadığı müxtəlif hadisələrdən danışdı.

Onun sözlərinə görə, Bərdə sakinlərinin məcburi köçkün ailələrinə münasibəti hər zaman doğma və səmimi olub. Xuraman xanım xüsusilə Bərdəlilərin göstərdiyi diqqət və qayğını unutmadığını vurğuladı.

Hazırda isə Xuraman xanım doğma torpaqlarda – Ağdərənin Kolatağ kəndində yaşayır. Görüş zamanı onun yeni evində yaradılan şərait, kənddəki yaşayış imkanları və doğma yurda qayıdışdan sonra keçirdiyi hisslərlə də maraqlandıq.

Bərdə ilə bağlı xatirələr, Kolatağ kəndində yeni həyat və Xuraman xanımın keçmişə dair səmimi fikirləri – bütün bunları hazırladığımız ətraflı videoreportajda təqdim edirik.

Videoreportajı izləyin: Xuraman xanımın Bərdə ilə bağlı xatirələrini və Kolatağ kəndindəki yeni həyatını onun öz dilindən eşidin.