Şahbuz Rayon İcra Hakimiyyətində və Təhsildə Keyfiyyət Təminatı Agentliyində audit aparılıb
Hesablama Palatası Təhsil Nazirliyi yanında Təhsildə Keyfiyyət Təminatı Agentliyində və Naxçıvan Muxtar Respublikasının Şahbuz Rayon İcra Hakimiyyətində audit aparıb.
Veten.Az xəbər verir ki, bununla bağlı Hesablama Palatasının Kollegiya iclasında məsələlər müzakirə olunub.
İclasda auditor Vəfa Mütəllimovanın təqdim etdiyi “Təhsildə Keyfiyyət Təminatı Agentliyinin fəaliyyətinin auditinin nəticələrinə dair Auditor hesabatı” müzakirə edilib.
Müzakirələrin yekununda hesabatın təsdiq olunmasına, həmçinin audit zamanı aşkar edilmiş nöqsanların aradan qaldırılması məqsədilə qurum tərəfindən zəruri tədbirlərin görülməsinə qərar verilib.
Agentliyin İdarə Heyətinin sədri və Elm və Təhsil Nazirliyinin şöbə müdiri auditin nəticələrinin aidiyyəti sahədə fəaliyyətin təkmilləşdirilməsinə töhfə verəcəyini bildiriblər. Onlar hesabatda irəli sürülən təklif və tövsiyələrin nəzərə alınacağını qeyd ediblər.
Kollegiya iclasında daha sonra auditor Hafiz İsmayılbəylinin təqdim etdiyi “Şahbuz Rayon İcra Hakimiyyəti və tabeli qurumları tərəfindən dövlət vəsaitinin və digər dövlət əmlakından istifadəsinin auditinin nəticələrinə dair Auditor hesabatı” müzakirəyə çıxarılıb.
Müzakirələrin yekununda hesabat təsdiq edilib və audit zamanı aşkar olunmuş nöqsanların aradan qaldırılması məqsədilə Şahbuz Rayon İcra Hakimiyyəti və tabeli qurumlar tərəfindən zəruri tədbirlərin görülməsinə qərar verilib.
İclasda gündəlikdə nəzərdə tutulan digər cari məsələlərə də baxılıb.
