Uşağın doğulmasına görə ödənilən birdəfəlik müavinətin məbləğinin 900 manat artırılması nəzərdə tutulur.
Veten.Az xəbər verir ki, bu məsələ Milli Məclisin İqtisadi siyasət, sənaye və sahibkarlıq komitəsinin bugünkü iclasında müzakirəyə çıxarılan “Azərbaycan Respublikasının 2027-ci il dövlət büdcəsi haqqında” qanun layihəsində əksini tapıb.
Layihəyə əsasən, 2027-ci ildə uşağın doğulmasına görə ödənilən müavinətin məbləğinin 1500 manata çatdırılması nəzərdə tutulur.
Qeyd edək ki, 2026-cı ildə bu müavinətin məbləği 600 manat təşkil edib. Təklif təsdiqlənərsə, müavinət 900 manat artacaq.
Xatırladaq ki, nəzərdə tutulan dəyişiklik dövlət büdcəsi layihəsində əksini tapıb. Müavinətin yeni məbləğinin qüvvəyə minməsi üçün müvafiq qərarın qəbul edilməsi tələb olunur.
