Bərdədə bədbəxt hadisə: Evdə yıxılan 36 yaşlı qadın həyatını itirdi
Bərdə rayonunda ölümlə nəticələnən bədbəxt hadisə baş verib.
Veten.Az xəbər verir ki, 36 yaşlı Sevinc Məmmədova yaşadığı evdə yıxılaraq baş nahiyəsindən ağır xəsarət alıb.
Yaralı dərhal xəstəxanaya çatdırılıb. Həkimlərin göstərdiyi tibbi yardımlara baxmayaraq, onun həyatını xilas etmək mümkün olmayıb.
Faktla bağlı Bərdə Rayon Prokurorluğunda araşdırma aparılır.
Hadisənin başvermə səbəbləri və digər təfərrüatlar araşdırmanın nəticəsinə uyğun olaraq müəyyənləşdiriləcək.
