Abşeron rayonunun Xırdalan şəhərində avtoxuliqanlıq edən sürücü saxlanılıb. Onun barəsində məhkəmə tərəfindən sərt qərar qəbul edilib.
Veten.Az-ın məlumatına görə, M.Quliyev “Zaporojets” markalı, 50-BD-636 dövlət qeydiyyat nişanlı avtomobillə yol hərəkəti qaydalarını kobud şəkildə pozub. Sürücünün hərəkətləri nəticəsində digər hərəkət iştirakçılarının həyat və sağlamlığı üçün real təhlükə yarandığı müəyyən edilib.
Yol polisi tərəfindən saxlanılan sürücü barəsində İnzibati Xətalar Məcəlləsinin müvafiq maddələri ilə protokol tərtib olunaraq baxılması üçün məhkəməyə göndərilib.
Məhkəmənin qərarı ilə M.Quliyevin sürücülük hüququ 1 il müddətinə məhdudlaşdırılıb, o, həmçinin 15 sutka inzibati qaydada həbs edilib.
