Bərdə rayonunda rayon rəhbərinin növbəti səyyar qəbul-görüşü Lənbəran kəndində keçirilib
Qəbulda rayonun hüquq-mühafizə orqanlarının, idarə, müəssisə və xidmət təşkilatlarının rəhbərləri iştirak ediblər.
Rayon İcra Hakimiyyətinin başçısı Vidadi İsayev tərəfindən vətəndaşların müraciətləri dinlənilib, qaldırılan məsələlərin bir qismi yerində həll olunub, araşdırılması tələb olunan müraciətlərlə bağlı isə aidiyyəti qurumların rəhbərlərinə müvafiq tapşırıqlar verilib.
Səyyar qəbul zamanı kənd sakinlərini narahat edən sosial, kommunal və digər məsələlər müzakirə olunub, vətəndaş məmnunluğunun təmin edilməsi istiqamətində görülən işlər barədə məlumat verilib.
Qeyd olunub ki, vətəndaş müraciətlərinə həssas yanaşılması, onların problemlərinin yerində öyrənilməsi və operativ həlli məqsədilə rayonun yaşayış məntəqələrində səyyar qəbullar mütəmadi olaraq davam etdirilir.
Lənbəran kəndinin sakinləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
