2026-cı ildə uşaqlara ən çox qoyulan adlar – SİYAHI
Veten.Az xəbər verir ki, 2026-cı ildə Azərbaycanda yeni doğulan uşaqlara verilən adlar arasında bəzi adlar xüsusilə üstünlük təşkil edib.
İlin geridə qalan dövrü üzrə açıqlanan statistikaya əsasən, oğlan və qız uşaqlarına ən çox qoyulan adlar müəyyənləşib. Siyahıda həm ənənəvi Azərbaycan adları, həm də son illərdə populyarlığı artan adlar yer alıb.
Oğlan uşaqlarına ən çox qoyulan adlar
2026-cı ildə oğlan uşaqları arasında ən çox seçilən ad Uğur olub. İlk onluqda yer alan adlar belədir:
- Uğur – 1034 uşaq
- Raul – 778 uşaq
- Miran – 682 uşaq
- Hüseyn – 662 uşaq
- Əli – 658 uşaq
- Yusif – 537 uşaq
- Ömər – 440 uşaq
- Murad – 434 uşaq
- Tunar – 411 uşaq
- Ayxan – 405 uşaq
Qız uşaqlarına ən çox qoyulan adlar
Qız uşaqları arasında isə Melisa adı ilk sırada qərarlaşıb.
- Melisa – 749 uşaq
- İnci – 714 uşaq
- Alisa – 687 uşaq
- Məryəm – 667 uşaq
- Nilay – 655 uşaq
- Aylin – 650 uşaq
- Zəhra – 587 uşaq
- Ayla – 577 uşaq
- Zeynəb – 556 uşaq
- Miray – 453 uşaq
Siyahı göstərir ki, valideynlərin seçimində həm Əli, Hüseyn, Yusif, Ömər, Murad, Məryəm və Zəhra kimi ənənəvi adlara, həm də Melisa, Alisa, Nilay, Ayla və Miray kimi müasir adlara maraq yüksəkdir.
Qeyd edək ki, təqdim olunan rəqəmlər 2026-cı ilin tam yekun statistikasını deyil, ilin geridə qalan dövrü üzrə göstəriciləri əks etdirir. İlin yekununda adların sıralamasında dəyişiklik ola bilər.
