Bərdədə doğuş xəstəxananın həyətində baş verdi – həkimlər operativ müdaxilə etdi
Bərdədə doğuş evinə gətirilən 35 həftəlik hamilə qadının doğuşu xəstəxananın həyətində avtomobildə başlayıb.
Veten.Az xəbər verir ki, hadisə 10 sentyabr 2026-cı il tarixində saat 10:40 radələrində Bərdə Rayon Mərkəzi Xəstəxanasının Doğum evinin qarşısında baş verib.
Məlumata görə, 35 həftəlik hamilə qadın tibb müəssisəsinə gətirilərkən avtomobildə doğuş başlayıb. Xəstəxana əməkdaşları dərhal hadisəyə müdaxilə edərək ana və körpəyə zəruri tibbi yardımı göstəriblər.
Həkimlərin çevik və peşəkar müdaxiləsi nəticəsində çəkisi 2 kiloqram 190 qram, boyu 45 santimetr olan qız uşağı dünyaya gəlib.
Hazırda zahı qadının və körpənin vəziyyəti stabil qiymətləndirilir.
