E-manat terminallarında karta mədaxil zamanı 0,3% komissiya tutulur
Veten.Az — E-manat ödəniş terminallarından bank kartlarına pul mədaxil edən zaman komissiya haqqının tutulması diqqət çəkib.
Məsələ ilə bağlı bu gün aparılan ödəniş zamanı E-manat terminalında karta mədaxil əməliyyatı üçün 0,3 faiz komissiya haqqının hesablandığı müşahidə olunub. Belə ki, terminalda karta yatırılan məbləğə əlavə olaraq 0,3% xidmət haqqı tətbiq edilir.
Bu isə o deməkdir ki, terminal vasitəsilə karta pul yatıran şəxsin hesabına köçürülən məbləğdən əlavə olaraq müəyyən məbləğ komissiya kimi tutulur. Məsələn, 100 manatlıq mədaxil zamanı 0,30 manat, 500 manatlıq əməliyyatda isə 1,50 manat komissiya təşkil edir.
İstifadəçilərə ödənişi təsdiqləməzdən əvvəl terminalın ekranında göstərilən komissiya məbləğini və yekun ödəniş məlumatlarını diqqətlə yoxlamaq tövsiyə olunur.
Qeyd edək ki, komissiyanın tətbiqi konkret bank kartı və əməliyyat növündən asılı olaraq fərqlənə bilər. Bu səbəbdən ödəniş etməzdən əvvəl terminalda göstərilən şərtlərlə tanış olmaq vacibdir.
