Hacıqabul rayonunda yük maşını və minik avtomobilinin toqquşması ilə nəticələnən yol-nəqliyyat hadisəsi baş verib.
Veten.Az AZƏRTAC-a istinadla xəbər verir ki, hadisə günorta saatlarında Bakı-Qazax avtomobil yolunun Hacıqabul rayonunun Pirsaat kəndi ərazisindən keçən hissəsində qeydə alınıb.
Qəza zamanı “KamAZ” markalı yük maşını ilə BYD markalı minik avtomobili toqquşub. Hadisə nəticəsində minik avtomobilində olan sərnişin Svetlana İbadova ölüb.
Faktla bağlı araşdırma aparılır.
