Mingəçevir Şəhər Mərkəzi Xəstəxanasının direktoru Ülfət Qurbanovun vəzifədən azad edilməsi ilə bağlı mətbuatda yayılan məlumatlar həqiqəti əks etdirmir.
Veten.Az-ın əldə etdiyi məlumata görə, Ülfət Qurbanov məsələ ilə bağlı açıqlama verərək bildirib ki, səhhətində yaranan problemlərlə əlaqədar əməliyyat olunub və öz ərizəsi ilə TƏBİB-in İdarə Heyətinin sədri Anar Bayramova müraciət edib.
Ülfət Qurbanov hazırda səhhəti ilə bağlı müalicə aldığını bildirib:
“Hazırda səhhətimdə ciddi problemlər var. TƏBİB-in rəhbərliyi əməliyyat olunduğum ərəfədə səhhətimlə maraqlanıb. Hazırda müalicəmlə məşğulam. Həkim kimi fəaliyyətimi davam etdirəcəyəm. Hər kəsə işində uğurlar və sağlamlıq diləyirəm”.
Beləliklə, Ülfət Qurbanovun sözlərinə görə, onun vəzifədən azad edilməsi ilə bağlı mətbuatda yayılan məlumatlar gerçəyi əks etdirmir. O, vəzifədən ayrılması ilə bağlı öz ərizəsi ilə müraciət etdiyini və hazırda əsas diqqətini müalicəsinə yönəltdiyini bildirib.
